My Dreams

كل شىء بقا عادى الحب عادى الظلم عادى الحزن عادى الفرح عادى الموت عادى ولم يبقا كل شىء عادى يبقا معتش فى حياه فى الدنيا دى وعادى يادنيا عادى كل شىء فيكى عادى لم الطالب يجتهد واهله يبيعو هدومه علاشان يعلموه وفى الاخر ميخدش حقه علاشان الدكتور مش فاضى يعلم الورق يبقا عادى لم نشوف ونسمع عن انقلاب قطار او حادث اليم ومنتحركش لاننا عارفين ان ده بقا شىء عادى ولم نلاقى تحرش جنسى فى الشوارع وعلى الملاء ووجود سفاحين شىء عادى ما الناس مش لاقيه تاكل ومش عارفه تعيش وده شىء عادى ولم نشوف شخص فاشل فى غير مكانه وده طبعاً علاشان ابوة او قريبه وزير او سفير يعنى من الاخر راجل واصل وسلامات ياكوسه يالى بقيتى حاجه حوسه وده اكتر شىء عادى ولم نلاقى ارتفاع اسعار والدنيا بقت غاليه نار ونلاقى ضرائب على الهواء والماء وده طبعا شىء عادى ولم البركه تتنزع من كل شىء وده طبعا علاشان قله الايمان والصمت الى ساكن قلب كل انسان دة بردك شىء عادى لم نلاقى الظابط بيعذب المتهم ويلفق له تهم وينهك حوق البشر دة شىء عادى لم نلاقى الظلم فى كل مكان والحقد جوه قلوب كل انسان والرعب واقف على البيبان والتعاسه فى كل مكان والذل والاهانه شىء ملهوش حدود يبقا شىء عادى لم يكون فى طفل مش لاقى حد يمسح دمعته عادى كل شىء فيكى بقا عادى والى ننام يه نقوم فيه مفيش تغير يبقا عادى اتعودنا على ان يبقا كل شىء فى الدنيا دى بقا عادى لكن الى مش عادى انى اسكت بعد ماعرفت ان مش لازم يكون كل شىء عادى وانى انسان مش عادى تعرفو ليه ؟ لانى بشر ولازم اخد حقى واثور ان مكنش النهارده يبقا بكره مع انى عارف ان الكلام بالنسبه للناس بقا شىء عادى بس لازم نكون فى يوم من الايام شىء مش عادى وده شىء عادى لان الصغير بيكبر والجاهل بيتعلم ولازم ينكسر حاجز الصمت فى زمن الصمت وعادى انكم مش تفهمو حاجه من كلامى لانى بكلمكم وانا عادى والعادى انى اتعودت انى اكون عادى (مخنوق زهقان طهقان ) من كل شىء عادى ودة شىء عادى
وعادى بقا